Azərbaycan Premyer Liqasının 2-ci "abunəçi”si müəyyənləşib. Sportnet.az-ın məlumatına görə, "Xəzər Lənkəran”dan sonra "Kəpəz” də bu ada "layiq görüıüb”.
Gəncə təmsilçisi də lənkəranlılar kimi, "Qarabağ”la cari çempionatdakı 4 oyunun hamısında uduzub. Özü də Şahin Diniyevin baş məşqçi olduğu komanda "Azərsun Arena”da qol vurmadan böyük hesabla məğlub olub – 0:3, 0:4.
Böyükhesablı məğlubiyyətdən söz düşmüşkən, "Kəpəz” ardıcıl 2-ci turdur paytaxda belə məğlubiyyətə düçar olur. AZAL-a 0:3 hesabı ilə uduzduğu matçda da qol vura bilməyən gəncəlilər Premyer Liqaya qayıdandan sonra ilk dəfə ardıcıl 2 tur böyük hesabla uduzublar. "Qarabağ”la oyundakı 0:4 isə komandanın bu mövsüm ən böyükhesablı məğlubiyyəti olub.
