Çempionlar Liqasında yarımfinal mərhələsinin püşkatma mərasimi keçirilib. Sportnet.az-ın məlumatına görə, tədbir UEFA-nın İsveçrənin Nyon şəhərində yerləşən mənzil qərargahında keçirilib.
Final matçının səfiri, ötənlərin tanınmış futbolçusu Deyan Stankoviçin çəkdiyi püşk nəticəsində İspaniyanın "Real Madrid" klubu İngiltərənin "Manşester Siti" komandasına, İspaniyanın digər təmsilçisi "Atletiko" isə Almaniya "Bavariya"sına rəqib olub.
İlk oyunlar 26-27 apreldə, cavab görüşləri 3-4 mayda təşkil olunacaq. Final matçı isə mayın 28-də İtaliyanın Milan şəhərindəki "San Siro" stadionunda baş tutacaq.
"Mançester Siti" - "Real Madrid"
"Atletiko" - "Bavariya"
"Mançester Siti" - "Real Madrid" cütünün qalibi final görüşündə nominal ev sahibi qismində meydana çıxacaq.
----------------------------------------------------------
Bu gün Çempionlar Liqası yarımfinal mərhələsinin püşkatması keçiriləcək. Sportnet.az-ın məlumatına görə, püşkatma mərasimi UEFA-nın İsveçrənin Nyon şəhərində yerləşən mənzil qərargahında keçiriləcək.
Qitənin ən nüfuzlu klub turnirində "Real Madrid", "Atletiko" (hər ikisi İspaniya), "Bavariya" (Almaniya) və "Mançester Siti" (İngiltərə) yoluna davam edir. "Real Madrid" 1/4 finalda "Volfsburq"u (0:2; 3:0 - 3:2), "Mançester Siti" Fransa PSJ-sini (2:2; 1:0 - 3:2), "Atletiko" digər İspaniya təmsilçisi "Barselona"nı (1:2; 2:0 - 3:2) "Bavariya" isə Portuqaliyanın "Benfika" klubunu (1:0; 2:2 - 3:2).
Püşkatma Bakı vaxtı ilə 13:30-da başlayacaq.
