Futbol üzrə 2018-ci il dünya çempionatı tam dəqiqliklə Rusiyada keçiriləcək. Sportnet.az-ın məlumatına görə, bu barədə qonşu ölkədə səfərdə olan FİFA-nın yeni prezidenti Canni İnfantino açıqlama verib.
C.İnfantino qarşıdakı mundialın fantastik alınması üçün hər şeyi edəcəyini vurğulayıb. O, təhlükəsizlik tədbirlərinin lazımi səviyyədə təmin olunması üçün Rusiya hökumətinin lazımi işləri görəcəyinə əminlik ifadə edib.
Qeyd edək ki, DÇ-2018 iyunun 14-dən iyulun 15-dək Rusiyanın 11 şəhərindəki 12 stadionda keçiriləcək. Həmin şəhərlər Moskva, Sankt-Peterburq, Kazan, Nijni-Novqorod, Saransk, Kalininqrad, Volqoqrad, Yekaterinburq, Samara, Soçi və Rostov-Dondur.
