İspaniya Primerosunun lideri olan "Barselona" son vaxtlar üzləşdiyi uğursuzluğa darmadağınla son qoyub. Sportnet.az-ın məlumatına görə, Luis Enrikenin yetirmələri 1 aya yaxın fasilədən sonra qələbə qazanıblar.
Bu, az öncə başa çatan "Deportivo" ilə çempionatda səfər matçında olub. Özü də Kataloniya təmsilçisi 8:0 hesabı ilə qalib gəlib. Qələbədə əsas pay sahibi qolların yarısına imza atan Luis Suares olub. Uruqvaylı hücumçu pokerlə vurduğu qolların sayını 30-a çatdırıb və bombardirlər yarısının lideri olan Kriştianu Ronaldudan cəmi 1 qol geri qalır. "Barselona"nın digər qollarına Lionel Messi, Neymar, İvan Rakitiç və Mark Bartra imza atıb.
Maraqlıdır ki, Suares 8 qoldan 7-də iştirak edib və Primeroda buna bir oyunda nail olan ilk futbolçu olub. Üç məhsuldar ötürmə edən Luisin artıq 15 belə göstəricisi var.
Luis Enrikenin yetirmələri bu qələbədən sonra ən yaxın izləyicisi "Atletiko"dan 3 xal aralansa da, rəqibinin biri oyunu ehtiyatda var.
