İngiltərənin köklü klublarından olan "Aston Villa" yeni mövsümü aşağı dəstədə keçirəcək. Sportnet.az-ın məlumatına görə, komanda turnir cədvəlinin sonuncu pilləsində qərarlaşıb.
Bununla da komanda qarşıdakı 4 turda maksimum xal toplasa belə hazırkı mövqeyini dəyişə bilmir.
"Aston Villa"nın aktivində 16 xal var. Ən yaxın qonşusu "Nyukasl" isə 29 xala sahibdir.
1874-cü ildə yaradılan klub bugünədək ölkə çempionatını 7 dəfə birinci pillədə başa vurub. Bundan başqa klub muzeyində Avropa Çempion Klublar Kuboku və Super Kubok da var.
