İspaniyanın "Real Madrid" klubu futbolçusu Kriştianu Ronalduya yeni müqavilə təklif etməyə hazırlaşır. Sportnet.az-ın məlumatına görə, 2020-ci ilə qədər nəzərdə tutulan müqavilədə portuqaliyalıya illik 20 milyon avro ödəniləcək.
Buna səbəb Madrid klubunun futbolçunu buraxmaq istəməməsidir. 2018-ci ildə İspaniya klubu ilə hazırkı müqavilə müddəti başa çatan Ronaldu ilə Fransanın PSJ klubu yaxından maraqlanır. Paris təmsilçisinin qətərli sahibi Nasser Əl-Xelaifinin 31 yaşlı futbolçu ilə bugünədək 5 görüş keçirdiyi bildirilir.
Qeyd edək ki, Kriştianu Ronaldu 2009-cu ildən çıxış etdiyi "Real Madrid"də 360 qol vuraraq klubun ən məhsuldar oyunçusu kimi tarixə düşüb.
