Bu gün AVRO-2016-da yarımfinal mərhələsinə start verilib. Sportnet.az-ın məlumatına görə, ilk finalçı Portuqaliya - Uels cütündə müəyyənləşib.
Portuqaliyalılar mat,;n ikinci hissəsinin əvvəlində 3 dəqiqəyə vurduğu 2 qolla nəticəni müəyyənləşdiriblər. Hər 2 qolun müəllifi yığmanın ulduzları, bombardirləri Kriştianu Ronaldu ilə Luiş Nani olub. Hücumçular bu final mərhələsində 3-cü qollarına imza atıblar. Özü də Ronaldu üçün Lion stadionu yenə düşərli olub. Çünki o, Macarıstanla qrup matçında dubluna da məhz bu arenada imza atıb.
Beləliklə, Portuqaliya yığması cari final mərhələsində nəhayət ki, 90 dəqiqədə ilk qələbəsini qazanaraq finala yüksəlib. Onun həlledici matçda rəqibi bu gün keçiriləcək Almaniya - Frandsa yarımfinalında bilinəcək. Portuqaliyalılar 12 illik fasilədən sonra finala çıxıblar. Bu, ilk dəəf 12 il öncə vətənlərində keçirilən turnirdə olub. Onda Portuqaliya finalda Yunanıstana 0:1 hesabı ilə uduzub.
AVRO-2016, yarımfinal
6 iyul
23:00. Portuqaliya - Uels - 2:0
Qollar: Kriştianu Ronaldu, 50, Nani, 53
Baş hakim: Jonas Eriksson
Yan xətt hakimləri: Matias Klasenius, Daniel Varnmark
Əlavə köməkçi-hakimlər: Stefan Yohanesson, Markus Strömberqsson (hamısı İsveç)
Dördüncü hakim: Şimon Martsinyak
Ehtiyat köməkçi hakim: Pavel Sokolniçki (hər ikisi Polşa)
Lion. Lion stadionu
