İspaniyanın "Real Madrid" klubunun baş məşqçisi Zinəddin Zidan "Barselona"nın sabiq baş məşqçisi, hazırda İngiltərə "Mançester Siti"sində çalışan Xosep Qvardiolanın rekorduna çatıb. Sportnet.az-ın məlumatına görə, göstərici uzun müddətli qələbə seriyasının davam etməsi ilə bağlıdır.
La Liqanın IV turunda "Espanyol"a 2:0 hesabı ilə qalib gələn Madrid klubu bununla Zidanın baş məşqçiliyi altında ölkə çempionatında ardıcıl 16-cı qələbəsini qazanıb. Qvardiola da "Barselona"da eyni sayda ardıcıl qələbə qazanıb.
Sentyabrın 21-də "Vilyarreal"la evdə keçiriləcək görüşdə "Real Madrid" qələbə qazanarsa, Zidan rekordu yeniləyəcək və La Liqada ən uzunmüddətli qələbə qazanan komandanın baş məşqçisi olaraq tarixə düşəcək.
