İngiltərənin "Mançester Siti" klubunun baş məşqçisi Xosep Qvardiola baş məşqçilik karyerasını başa vuracağını açıqlayıb. Sportnet.az-ın məlumatına görə, 45 yaşlı mütəxəssis İngiltərə mətbuatına açıqlamasında bu barədə danışıb.
İspaniyalı baş məşqçi qarşıdakı 3 mövsümdə işinə davam edəcəyini deyib: "Mançester Siti"də növbəti 3 mövsüm və ya bir az daha artıq çalışacağam. Sonluğun indidən başladığını hiss edirəm. Əminəm ki, baş məşqçilik karyeramın sonuna gəlmişəm. Bu komanda işlədiyim son komandalardan biri olacaq".
Qeyd edək ki, 2007-ci ildən baş məşqçiliyə başlayan Qvardiola karyerası ərzində İspaniyanın "Barselona" və Almaniyanın "Bavariya" klublarında çalışıb.
