"Qəbələ"nin sabiq legioneri Ermin Zets Türkiyə Super Liqasında fərqlənib. Sportnet.az-ın məlumatına görə, Bosniya və Herseqovina millisinin da üzvü olan hücumçu cari mövsümdən çıxış etdiyi "Karabükspor"un heyətində XX turun açılış matçında "Beşiktaş"a qol vurub.
Fasilədən dərhal sonra meydana çıxan Zets 50-ci dəqiqədə hesabı açıb. Bundan 23 dəqiqə sonra isə Erminin hücumda ukraynalı tərəfdaşı Yevgeni Seleznyov hesabı 2:0 edib. Qonaqların gücü Vinsents Abubakarla təsəlli qolunu vurmağa çatıb - 1:2.
Xatırladaq ki, Zetsin komandası turnin cədvəlinin 10-cu pilləsində qərarlaşıbsa, "Beşiktaş" çempionatın lideridir.
