Bu gün UEFA Çempionlar Liqasında 1/8 final mərhələsinin növbəti oyunları keçirilib. Sportnet.az-ın məlumatına görə, ilk oyun günündə olduğu kimi, ev sahibləri
meydanı qalib tərk ediblər.
PSJ kimi "Bavariya” da 4 top fərqli qələbəyə sevinib. Komandanın ispaniyalı yarımmüdafiəçisi Tyaqo Alkantara "Arsenal”la matçda 6 dəqiqəyə dubl müəllifi olub.
"Real Madrid” isə "Napoli” ilə qarşılaşmada əmzkar qələbə qazanmağı bacarıb. İtalyanlar səfərdə erkən qolla hesabı açsalar da, meydan sahibləri fasiləyədək tarazlığı bərpa ediblər. Madrid təmsilçisi ikinci hissənin əvvəlində 5 dəqiqəyə vurduğu 2 qolla matçın taleyini xeyrinə həll edib.
Göründüyü kimi, bu dəfə qonaqlar səfərdə qol vurmağa müvəffəq olublar ki, bu da evdəki cavab oyunlarında onların işinə yaraya bilər. Düzdür, "topçular" Neapol təmsilçisindən fərqli darmadağın olunduöundan, 1/4 finala çıxmaq şansı azdır.
UEFA Çempionlar Liqası
1/8 final mərhələsi, ilk oyunlar
15 fevral
23:45 "Bavariya" (Almaniya) – "Arsenal" (İngiltərə) - 5:1
Qollar: Aryen Robben, 11, Robert Levandovski, 53, Tyaqo Alkantara, 57, 63, Tomas Müller - Aleksis Sançes, 30
29-cu dəqiqədə Aleksis Sançes penaltini qaçırıb
Baş hakim: Milorad Majiç (Serbiya)
Münhen. "Münhen Arena”
23:45 "Real Madrid" (İspaniya) – "Napoli" (İtaliya) - 3:1
Qollar: Kərim Benzema, 19, Toni Kroos, 49, Kazemiro, 54 - Lorenzo İnsinye, 8
Baş hakim: Damir Skomina (Sloveniya)
Madrid. "Santyaqo Bernabeu”
