"İnter"in hücumçusu Pərdis Fərcad-Azadın Sportnet.az-a müsahibəsi...
- Oyun haqda nə deyəcəksən?
- Yaxşı matç alındı. Amma çətin idi. Əsas məqsədimiz üç xal idi, bunu da əldə etdik.
- Nəyə görə autsayderə qarşı oyunda bu qədər çox əziyyət çəkdiniz?
- AZAL pis komanda deyilki. Ola bilər ki, son pillədədir. Amma AZAL-da fərdi keyfiyyətilə seçilən oyunçular var. Sadio Tounkara, Vaqif Cavadov fərdi ustalığı yüksək oyunçulardır. O qədər də pis komanda deyillər. Sona kimi mübarizə apardılar, afərin onlara.
- Qarşıdakı mövsüm avrokuboklara vəsiqəni təmin etdiniz. Durum nə yerdədi hazırda?
- Hazırda yaxşı deyil vəziyyət. Bizdə durumlar bir az çətindir. Hələ ki, maaşı gözləyirik. Gələn mövsüm üçün isə necə olacağını heç kim bilmir.
- Heç kimlə görüşünüz də olmayıb?
- Xeyr, heç bir görüş olmayıb. Heç bir xəbər də yoxdu. Mövsüm sonunda görək də necə olacaq.
- Maliyyə problemlərinin həll olunması ilə bağlı heç nə deməyiblər?
- Deyiblər ki, həll olunacaq. Ancaq dəqiq bir vaxt və söz deyilməyib.
