Azərbaycan Premyer Liqasının XXVIII turunda "Zirə”nin qonağı olacaq "Neftçi” hazırlığını davam etdirir.
Klubdan Sportnet.az-a verilən məlumata görə, ötən tur zədə üzündən AZAL ilə ev oyununda iştirak edə bilməyən müdafiəçilər Məqsəd İsayev və çexiyalı Pavel Dreksa sıraya dönüb. Ukraynalı Kiril Petrov məşqlərə başlasa da, zədəsini tam sağaltmayan yarımmüdafiəçi "Zirə”yə qarşı forma geyinməyəcək.
Heyətdə cəzalı futbolçu yoxdur.
Qeyd edək ki, aprelin 23-də keçiriləcək "Zirə” – "Neftçi” oyunu saat 17:00-da başlayacaq.
