Azərbaycan milli komandasının yeni baş məşqçisi Qurban Qurbanov AFFA İcraiyyə Komitəsi üzvlüyündən istefa verib.
Sportnet.az xəbər verir ki, bu barədə 45 yaşlı mütəxəssisin özü bildirib. O deyib ki, iki işdə - milli komanda və "Qarabağ”dakı fəaliyyətinin çoxluğu ilə əlaqədar İcraiyyə Komitəsi üzvlüyündən ayrılmaqla bağlı AFFA-ya müraciət edib. Qurbanov 2016-cı ilin martında İcraiyyə Komitəsinə üzv seçilmişdi.
Qeyd edək ki, noyabrın 3-də Qurban Qurbanov milliyə baş məşqçi təyin olunduqdan sonra onun AFFA İcraiyyə Komitəsindəki vəzifəsində qalıb-qalmayacağı maraq doğururdu (Qol.az).
