İngiltərənin "Mançester Yunayted" klubu redord transfer reallaşdıra bilər.
Sportnet.az-ın "Sunday Express"ə istinadən verdiyi məlumata görə, komandanın baş məşqçisi Joze Mourinyo İtaliya "Latsio"sunda çıxış edən Sergey Milinkoviç-Saviçi heyətində görmək istəyir. 2015-ci ildə "Genk"dən 16 milyon funt sterlinq qarşılığında "Latsio"ya keçən Saviçin yeni transfer məbləği hər kəsi təəccübləndirə bilər. Çünki "qırmızı şeytanlar" serbiyalı üçün 95 milyon funt sterlinq ödəməyə hazırdır. İstedadlı yarımmüdafiəçi ilə "Mançester Siti" və "Yuventus" da maraqlanır.
Qeyd edək ki, "Mançester Yunayted" Saviçi bu məğləğə transfer edəcəyi təqdirdə, klub tarixinin ən bahalı transferini gerçəkləşdirəcək.
