"Neftçi” klubu futbolçusu Uqo Barqasın transferi ilə bağlı Boliviyanın "Bluminq” klubundan rəsmi təklif almayıb.
Paytaxt klubun mətbuat katibi Anar Şabanoğlunun Sportnet.az-a verdiyi məlumata görə, 31 yaşlı fransalı hücumçunun agenti bir neçə gün öncə müştərisinin ayrılmaq istəyi haqda "Neftçi”yə şifahi məlumat verib. Lakin rəsmi müraciət olmayıb: "Barqas rəsmi müraciət etsə, məsələyə baxılacaq. Onun bizimlə 2017/2018 mövsümünün sonuna qədər müqaviləsi var. "Neftçi”nin icazəsi olmadan, Barqas başqa kluba keçə bilməz”.
Qeyd edək ki, Uqo Barqas "Neftçi”yə məhz 2012-2013 və 2015 - 2017-ci illərdə çıxış etdiyi "Bluminq”dən keçib. Barqas bu ilin fevralında flaqmanla 1 illik müqavilə bağlayıb. Oktyabrda isə onun sözləşməsi cari mövsümün sonuna qədər uzadılıb.
