"Qəbələ"nin sabiq məşqçisi Andrey Qluşenko karyerasını Ukraynanın "Çernomorets" klubunda davam etdirəcək. Sportnet.az-ın məlumatına 43 yaşlı mütəxəssis Odessa komandasına qapıçılarla iş üzrə məşqçi təyin olunub.
Əslində o, "Çernomorets"də 2016-cı ilin yanvarından gənclərdən ibarət komandada eyni vəzifədə çalışıb. Lakin əsas komandada Oleq Dulubun baş məşqçi postundan istefası gənclər komandasının məşqçilərinə daha böyük etimadın göstərilməsinə səbəb olub. Beləliklə, Konstantin Frolov baş məşqçi təyin olunub. Frolova Qluşenko ilə yanaşı, Konstantin Balabanov kömək edəcək.
Qeyd edək ki, Andrey Qluşenko "Qəbələ"də 2015-ci ildə çalışıb.
