"Kəpəz”in I divizion təmsilçisi "Sabah”la yoxlama oyunu ləğv olunub.
Sportnet.az-ın Gəncə komandasının rəsmi saytına istinadən məlumatına görə, səbəb matçın keçiriləcəyi Azərbaycan Dövlət Bədən Tərbiyəsi və İdman Akademiyasının stadionunun ot örtüyünün futbol oynamaq üçün əlverişli olmamasıdır. Bu məqamı nəzərə alan məşqçilər korpusu oyunçuları mümkün zədə riskindən qorumaq məqsədilə yoxlama matçının başqa meydançaya salınmasını xahiş ediblər. Amma klubun menecerləri tərəfindən uzun axtarışlara baxmayaraq paytaxtda yanvarın 15-i üçün uyğun boş stadion tapılmayıb.
Qeyd edək ki, "Kəpəz" ötən gün elə həmin stadiondakı ilk yoxlama matçında öz əvəzedicilərini yenib - 1:0.
