Topaz Premyer Liqasında XX turun son oyunu keçirilib.
Sportnet.az xəbər verir ki, "Kapital Bank Arena"da "Sumqayıt" "Kəpəz"i qəbul edib. Görüş meydan sahiblərinin 2:1 hesablı qələbəsi ilə yekunlaşıb. Hesabı 44-cü dəqiqədə qonaq komandadan İqor Korotetski açıb. Meydan sahibləri bərabərlik qolunu 72-ci dəqiqədə vurmağa müvəffəq olub. Müdafiəçi Bəhlul Mustafazadə fərqlənib. Qələbə topunun müəllifi isə 89-cu dəqiqədə Cavid İmamverdiyev olub.
Bununla da xallarını 34-ə çatdıran "Sumqayıt" "Zirə"ni keçərək, 3-cü pilləyə yüksəlib. "Kəpəz" isə 10 xalla yenə sonuncu - 8-ci pillədə qərarlaşıb.
------------------------------------
Topaz Premyer Liqasının XX turu çərçivəsində daha bir matç baş tutub.
Sportnet.az xəbər verir ki, "Bakcell Arena"da milli çempionatlarımızın daimi iştirakçıları "Neftçi" və "Qarabağ" komandaları üz-üzə gəliblər.
Oyunda hesab açılmayıb. Bu heç-heçədən sonra lider "Qarabağ" xalını 49-a çatdırıb. "Neftçi" isə 27 xalla 5-ci pillədədir.
Qeyd edək ki, turun ilk iki oyununda da bərabərlik qeydə alınıb. "Keşlə" - "Qəbələ" və "Zirə" - "Səbail" matçları 1:1 hesabı ilə yekunlaşıb.
-------------------------------------------------------------------------------------
Topaz Premyer Liqasının XX turu çərçivəsində daha bir oyun keçirilib.
Sportnet.az xəbər verir ki, ikinci oyun günün ilk matçı "Zirə" və "Səbail" komandaları arasında olub. Qarşılaşmada hesabı 17-ci dəqiqədə meydan sahiblərinin hücumçusu Riçard Qadze açıb.
Fasilədən sonra qonaqların heyətində Nikoloz Apakidze fərqlənib. Gürcüstanlı futbolçunun 54-cü dəqiqədə vurduğu qol oyunda sonuncu olub - 1:1.
Qeyd edək ki, bu heç-heçədən sonra 3-cü pillədəki "Zirə" xalını 33-ə çatdırıb. "Səbail" isə 18 xalla 6-cı yerdədir.
-----------------
Bu gün futbol üzrə Topaz Premyer Liqasında XX tura yekun vurulacaq.
Sportnet.az xəbər verir ki, ikinci oyun günündə üç matç baş tutacaq. Qış fasiləsindən sonra qələbə qazana bilməyən "Zirə” "Səbail”i qəbul edəcək. Hazırda 32 xalla 3-cü pillədə qərarlaşan meydan sahibləri ilk iki dövrədə debütantı üstələsə də, Samir Əliyevin rəhbərlik etdiyi kollektiv son turlarda yaxşı təsir bağışlayır. "Qəbələ”ni evdə məğlub etməyi bacaran qonaqlar 17 xalla 6-cı sıradadırlar.
Turun mərkəzi oyunu "Bakcell Arena”da keçiriləcək. Burada milli çempionatların daimi iştirakçıları – "Neftçi” və "Qarabağ” üz-üzə gələcək. Hesabındakı 48 xalla liderliyini sürdürən və ən yaxın izləyicisi "Qəbələ”ni 9 xal qabaqlayan Ağdam klubu ardıcıl beşinci çempionluğuna doğru irəliləyir. Qızıl medal yarışında estafeti "Qarabağ”a təhvil verən "ağ-qaralar” isə cari mövsümdə də avrokuboka düşməyə can atır.
Azərbaycan çempionatlarında ən çox qarşılaşan komandalar 71-ci duelə çıxacaq. "Qarabağ” 8 matçdır rəqibinə uduzmur və meydanı qolsuz tərk etmir. Ağdamlılar əvvəlki oyunların 27-də qalib gəlib, 18-də uduzublar.
Son oyun Sumqayıtda şəhərin eyni adlı təmsilçisi ilə "Kəpəz” arasında olacaq. Qış fasiləsindən sonra daha da inamlı çıxış edən və 31 xalla 4-cü pillədə qərarlaşan meydan sahibləri növbəti qələbələrini qazanmağı hədəfləyiblər. Ötən tur "Səbail”i üstələyən Gəncə klubu isə son pillədən qurtulmağa çalışır. Yunis Hüseynovun rəhbərlik etdiyi kollektivin aktivində 10 xal var.
"Sumqayıt” ardıcıl 2 qələbə qazanıb. "Kəpəz” səfərdə 3 matçdır qalib gələ bilmir. Bu komandalar arasında baş tutan 18 çempionat oyununda gəncəlilər 5 dəfə qələbəni bayram edib, 7 dəfə məğlub olublar.
Qeyd edək ki, ilk oyun günündə "Keşlə” və "Qəbələ” komandalarının oyununda 1:1 hesablı heç-heçə qeydə alınıb.
Topaz Premyer Liqası
14 mart (çərşənbə)
17:00. "Zirə” – "Səbail” - 2:1
Qol: Aleksandr Dedov, 17. Cavid İmamverdiyev, 89 - Nikoloz Apakidze, 54
Hakimlər: Orxan Məmmədov, Vüqar Bayramov, Rahil Ramazanov, Rauf Cabbarov
AFFA nümayəndəsi: Eldəniz Musayev
Hakim-inspektor: Fazil Mürşüdov
Zirə İdman Kompleksinin stadionu
18:00. "Neftçi” – "Qarabağ” - 0:0
Hakimlər: İnqilab Məmmədov, Vaqif Musayev, Akif Əmirəli, Rəhim Həsənov
AFFA nümayəndəsi: Ramiz Mustafayev
Hakim-inspektor: Murad Məmmədov
"Bakcell Arena”
20:00. "Sumqayıt” – "Kəpəz” - 2:1 (BİRİNCİ HİSSƏ)
Qollar: Bəhlul Mustafazadə, 72 - İqor Korotetski, 44
Hakimlər: Əliyar Ağayev, Rza Məmmədov, Elşən Acalov, Ramil Diniyev
AFFA nümayəndəsi: Maşallah Əhmədov
Hakim-inspektor: Vüsal Əliyev
"Kapital Bank Arena”
Qeyd edək ki, turun açılış oyununda "Keşlə" "Qəbələ" ilə heç-heçə edib - 1:1.
