Əslən azərbaycanlı futbolçu Aleksandr Əliyev məşqçi karyerasına başlayıb.
Sportnet.az-ın məlumatına görə, 33 yaşlı keçmiş yarımmüdafiəçi həvəskarlardan ibarət "Xmelnitski" klubuna baş məşqçi təyin olunub. Komandaya təqdim olunan Əliyevin oynayan məşqçi olacağı istisna deyil.
"Xmelnitski" hazırda Ukraynanın həvəskarlar liqasında 5 xalla 9-cu pillədə qərarlaşıb.
Qeyd edək ki, Aleksandr Əliyev vaxtilə Ukrayna yığması və Kiyev "Dinamo"sunda çıxış edib.
