İtaliya “Yuventus”unun futbolçusu Daniel Ruqani koronavirusa yoluxub.
Sportnet.az klubun rəsmi saytına istinadən xəbər verir ki, 26 yaşlı müdafiəçi hazırda qanunla nəzərdə tutulmuş bütün təcrid prosedurlarından keçir. Onunla təmasda olan bütün futbolçular və məşqçilər heyəti izolyasiya olunacaq.
Qeyd edək ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda epidemiya 121 ölkədə qeydə alınıb. Dünyada koronavirus infeksiyasına indiyədək yoluxanların sayı 122 235-ə çatıb. Bunların 66 993 nəfəri sağalıb, 4 391 nəfəri isə ölüb. Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub.
