Almaniya Futbol Liqası Bundesliqa və II Bundesliqa komandalarındakı koronavirus testlərinin nəticələrini açıqlayıb.
Sportnet.az məlumatına görə, 36 klubda 1700-dən çox testin aparıldığı və onlardan 10-nun müsbət nəticələndiyi bildirilib. Kimlərin koronavirusa yoluxduğu isə açıqlanmayıb.
Xəstələr haqqında məlumatın səhiyyə orqanlarına göndərildiyi də vurğulanıb.
Qeyd edək ki, Almaniya Bundesliqasının mayın 15-də bərpa edilməsi gözlənilir.
Daha öncə Azərbaycan millisinin futbolçusu Dmitri Nazarovun çıxış etdiyi "Ertsgebirge" klubunun oyunçuları və əməkdaşları komanda üzvlərindən birində xəstəliyin simptomlarının aşkarlanması
səbəbindən karantinə alınıb.
