İspaniyanın "Real Madrid" klubunun və Portuqaliya yığmasının futbolçusu Kriştianu Ronaldu "Qızıl top" mükafatının təntənəli təltifetmə mərasiminə şəxsi təyyarəsi ilə yollanacaq. Sportnet.az-ın "AS" nəşrinə istinadən məlumatına görə, 30 yaşlı hücumçu İsveçrəyə ailəsi, agenti Jorje Mendeş, sevgilisi İrina Şeyk, klubun baş məşqçisi Karlo Ançelotti və digər şəxslərlə birgə uçacaq.
Bu fakt "Qızıl top"u ardıcıl ikinci il məhz Ronaldunun qazanacağına dair şübhələrə yol açıb. Fəxri mükafata digər namizədlər "Barselona"nın hücumçusu Lionel Messi və Almaniya "Bavariya"sının qapıçısı Manuel Noyerdir.
Qeyd edək ki, mərasim yanvarın 12-də Sürix şəhərində təşkil olunacaq.
