Ukraynalı futbolçu Vladimir Kozlenko Donetsin "Metallurq" və Novaya Kaxovkanın "Energiya" komandaları arasında Oleq Makarovun xatirəsinə həsr olunmuş turnirin oyunu zamanı telefonla danışmasının səbəbini açıqlayıb. Sportnet.az-ın məlumatına görə, 35 yaşlı oyunçu Donetskdən gələn qohumlarından xəbər tutmaq üçün bu addımı atdığını bildirib.
O deyib: "Bu, vacib, ailəmizlə bağlı məsələ idi. Məhz buna görə zəngə cavab verdim. Üzr istəyirəm".
Qeyd edək ki, üzrxahlığa baxmayaraq, Vladimir Kozlenko turnirin qalan oyunlarından kənarlaşdırılıb. Bundan başqa "Energiya" Kozlenkonun xidmətlərindən imtina edib.
