Futbol üzrə Misli Premyer Liqasında VIII turun daha bir oyunu keçirilib.
Sportnet.az-ın məlumatına görə, günün ikinci matçında "Qarabağ" "Neftçi"ni qəbul edib.
"Azersun Arena"dakı qarşılaşma "köhlən atlar"ın 3:1 hesablı qələbəsi ilə yekunlaşıb.
Görüşdə hesab 24-cü dəqiqədə açılıb. Eddi İsrafilov başla fərqlənərək qonaqları önə keçirib. İlk hissə "ağ-qaralar"ın üstünlüyü ilə başa çatıb. İkinci yarıya Ağdam təmsilçisi daha fəal başlayıb. 56-cı dəqiqədə Kadi Borges hesabı bərabərləşdirib. 67-ci dəqiqədə Abdullah Zubir qonaqları növbəti dəfə mərkəzə dəvət edib. 74-cü dəqiqədə isə Kvabena Ovusu üçüncü qolu vurub.
Bu nəticədən sonra xallarının sayını 21-ə çatdıran "Qarabağ" vahid lider olub. "Neftçi" 18 xalla ikinci sırada qərarlaşıb. Son ölkə çempionu rəqibindən bir oyun az keçirib.
Qeyd edək ki, günün ilk matçında "Zirə" səfərdə "Turan Tovuz"a qalib gəlib - 3:1. Turun açılış oyununda "Qəbələ" səfərdə "Səbail"ə 2:1 hesabı ilə qalib gəlib. Tura oktyabrın 2-də oynanılacaq "Şamaxı" - "Sabah" və "Sumqayıt" - "Kəpəz" matçları ilə yekun vurulacaq.
-----------------------------
Misli Premyer Liqasında VIII turun daha bir oyunu keçirilib.
Sportnet.az-ın məlumatına görə, günün ilk matçında "Turan Tovuz" "Zirə"ni qəbul edib. Tovuz şəhər stadionundakı qarşılaşma paytaxt təmsilçisinin 3:1 hesablı qələbəsi ilə yekunlaşıb.
Görüşdə hesabı meydan sahibləri açıb. 26-cı dəqiqədə Natan Oduva fərqlənib. "Zirə"nin qollarını 33-cü dəqiqədə Coşqun Diniyev, 40-cı və 47-ci dəqiqələrdə Hamidu Keyta vurub.
Bu nəticədən sonra xallarının sayını 13-ə çatdıran "qartallar" 5-ci pilləyə yüksəlib. Tovuz klubu 10 xalla 6-cı sıraya enib.
Qeyd edək ki, günün digər görüşündə "Qarabağ" "Neftçi"ni qəbul edəcək.
Açılış oyununda isə "Qəbələ" səfərdə "Səbail"ə 2:1 hesabı ilə qalib gəlib. Tura oktyabrın 2-də oynanılacaq "Şamaxı" - "Sabah" və "Sumqayıt" - "Kəpəz" matçları ilə yekun vurulacaq.
------------------
Bu gün Misli Premyer Liqasında VIII turun daha 2 oyunu keçiriləcək.
Sportnet.az-ın məlumatına görə, qarşılaşmalardan biri bölgədə, digəri paytaxtda baş tutacaq.
Günün ilk matçında "Turan Tovuz" "Zirə"ni qəbul edəcək. Hazırda 10 xala malik komandalar 5-6-cı yerləri bölüşdürür. İki kollektiv indiyədək ölkə çempionatında üz-üzə gəlməyib.
Turun mərkəzi oyununda isə "Qarabağ" "Azersun Arena"da "Neftçi" ilə qarşılaşacaq. Hər iki komandanın aktivində 18 xal olsa da, "köhlən atlar" rəqibindən 1 oyun az keçirib.
Ağdam və Bakı təmsilçiləri bunadək ölkə çempionatında 87 dəfə bir-birinə rəqib olub. Bunların 34-ü "Qarabağ"ın, 23-ü "Neftçi"nin xeyrinə başa çatıb. 30 qarşılaşmada qalib müəyyənləşməyib. Topların nisbətində də son Azərbaycan çempionu üstündür - 104-79
"Qarabağ" son 4 görüşdə qələbə qazanıb. Ağdam klubu son iki ev oyununda 4 top vurub.
Misli Premyer Liqası
VIII tur
1 oktyabr (şənbə)
15:30. “Turan Tovuz” – “Zirə” - 1:3
Qollar: Natan Oduva, 26 - Coşqun Dinyev, 33. Hamidu Keyta, 40; 47
Hakimlər: Rauf Allahverdiyev, Zeynal Zeynalov, Rahil Ramazanov, Kamranbəy Rəhimov
Hakim-inspektor: Ceyhun Haşımov
Tovuz şəhər stadionu.
18:00. “Qarabağ” – “Neftçi” - 3:1
Qollar: Kadi Borges, 56. Abdulla Zubir, 67. Kvabena Ovusu, 74 - Eddi İsrafilov, 24
Hakimlər: Rəvan Həmzəzadə, Akif Əmirəli, Cəmil Quliyev, Vüqar Həsənli
Hakim-inspektor: Vüsal Əliyev
“Azersun Arena”
Qeyd edək ki, turun açılış oyununda "Qəbələ" səfərdə "Səbail"ə 2:1 hesabı ilə qalib gəlib. Tura oktyabrın 2-də oynanılacaq "Şamaxı" - "Sabah" və "Sumqayıt" - "Kəpəz" matçları ilə yekun vurulacaq.
