Futbol üzrə Azərbaycan Premyer Liqasında XXIV turun daha bir oyunu keçirilib.
Sportnet.az-ın məlumatına görə, günün ikinci matçında "Səbail" "Sabah"ı qəbul edib.
Qarşılaşma meydan sahiblərinin qələbəsi ilə bitib - 2:0. 52-ci dəqiqədə Aleksandr Ramalinqom hesabı açıb. 90+2-ci dəqiqədə Samir Abdullayev matçda son nöqtəni qoyub.
Xallarının sayını 34-ə çatdıran "Səbail" hələlik 4-cü pilləyə yüksəlib. Qonaqlar isə 31 xalla 7-ci sıradadır.
Qeyd edək ki, günün ilk görüşündə "Neftçi" səfərdə "Turan Tovuz"la heç-heçə edib - 1:1. XXIV turun "Araz-Naxçıvan" - "Zirə" və "Qarabağ" - "Sumqayıt" matçları fevralın 25-də olacaq. Ötən gün "Kəpəz" "Qəbələ"ni məğlub edib.
________________________
Azərbaycan Premyer Liqasında XXIV turun daha bir oyunu keçirilib.
Sportnet.az-ın məlumatına görə, günün ilk matçında "Neftçi" "Turan Tovuz"un qonağı olub.
Tovuz şəhər stadionundakı qarşılaşma heç-heçə yekunlaşıb - 1:1. 72-ci dəqiqədə paytaxt klubunun heyətində Yeqor Boqomolski fərqlənib. 88-ci dəqiqədə Fərid Nəbiyev bərabərlik qoluna imza atıb.
Bu nəticədən sonra xallarının sayını 36-ya çatdıran "ağ-qaralar" ikinci sıradakı "Sumqayıt"a çatıb. Bölgə klubu hazırda 31 xalla 5-8-ci yerləri bölüşdürür.
Günün digər görüşündə "Səbail" "Sabah"ı qəbul edəcək.
Qeyd edək ki, XXIV turun "Araz-Naxçıvan" - "Zirə" və "Qarabağ" - "Sumqayıt" matçları fevralın 25-də baş tutacaq. Ötən gün gerçəkləşən oyunda "Kəpəz" "Qəbələ"ni 2:1 hesabı ilə məğlub edib.
-----------------------------------------
Azərbaycan Premyer Liqasında XXIV turun daha iki oyunu bu gün keçiriləcək.
Sportnet.az xəbər verir ki, günün ilk matçı Tovuzda olacaq.
"Turan Tovuz" doğma azarkeşlər önündə "Neftçi" ilə üz-üzə gələcək. "Ağ-qaralar" 35 xalla üçüncü, bölgə klubu 30 xalla səkkizində pillədə qərarlaşıb.
Günün ikinci görüşündə paytaxt təmsilçiləri qarşılaşacaqlar. Çempionatdakı ardıcıl beş oyunda uduzmayan "Sabah" "Səbail"in qonağı olacaq. "Dənizçilər" 31 xalla beşinci, meydan sahibləri 31 xalla yeddinci sırada yer alıb.
24 fevral (şənbə)
15:00. “Turan Tovuz” – “Neftçi” - 1:1
Qol: Fərid Nəbiyev, 88 - Yeqor Boqomolski, 72
Hakimlər: Tural Qurbanov, Rəhman İmami, Şirmamed Mamedov, Kamran Əliyev
Hakim-inspektor: Anar Salmanov
AFFA nümayəndəsi: Azər Əsgərov
Tovuz şəhər stadionu
17:30. “Səbail” – “Sabah” - 2:0
Qol: Aleksandr Ramalinqom, 52. Samir Abdullayev, 90+2
Hakimlər: Rəşad Əhmədov, Rahil Ramazanov, Eyyub İbrahimov, Rauf Cabarov
Hakim-inspektor: Vüsal Əliyev
AFFA nümayəndəsi: Elgiz Abbasov
“ASCO Arena”
Qeyd edək ki, XXIV turun "Araz-Naxçıvan" - "Zirə" və "Qarabağ" - "Sumqayıt" matçları fevralın 25-də olacaq. Ötən gün "Kəpəz" "Qəbələ"ni məğlub edib.
