UEFA Çempionlar Liqasında bu gün 1/4 final mərhələsinin ilk iki cavab oyunu keçirilib.
Sportnet.az xəbər verir ki, İspaniya klublarından “Barselona” ev, “Atletiko” isə səfər matçına çıxıb.
Kataloniya təmsilçisi evdə Fransa PSJ-sinə 1:4 hesabı ilə uduzaraq turnirdə mübarizəni dayandırıb.
Madrid klubu isə Almaniyada Dortmund “Borussiya”ı ilə bacarmayıb - 2:4.
Beləliklə, PSJ və "Borussiya" ilk yarımfinalçı olublar. Bu cütlərin qalibləri yarımfinalda rəqib olacaqlar.
Qeyd edək ki, mərhələnin digər iki oyunu aprelin 17-də keçiriləcək.
UEFA Çempionlar Liqası
1/4 final, cavab oyunları
16 aprel
23:00. “Barselona” (İspaniya) – PSJ (Fransa) - 1:4
Baş hakim: İştvan Kovaç (Rumıniya).
Barselona, “Olimpik Lyuis Kompanis” stadionu.
İlk oyun – 3:2.
23:00. “Borussiya” (Dortmund, Almaniya) – “Atletiko” (İspaniya) - 4:2
Baş hakim: Slavko Vinçiç (Sloveniya).
Dortmund, “Siqnal İduna Park” stadionu.
İlk oyun – 1:2.
