UEFA Çempionlar Liqasının ilkin mərhələsində mübarizəni yekunlaşdıran “Araz-Naxçıvan” komandası əsas mərhələyə vəsiqə qazanıb.
Sportnet.az-ın məlumatına görə, Azərbaycan təmsilçisi ən yaxşı ikinci yerin sahibi kimi mübarizəni davam etdirəcək.
Ölkə çempionunun bu mərhələdəki rəqibləri avqustun 30-da müəyyənləşəcək.
------------------------------
"Araz-Naxçıvan” komandası futzal üzrə UEFA Çempionlar Liqasının ilkin mərhələsində üçüncü oyununu keçirib.
Sportnet.az-ın məlumatına görə, Azərbaycan çempionu F qrupundakı sonuncu matçında Latviyanın "Raba" kollektivi ilə üz-üzə gəlib. Görüş "Araz-Naxçıvan"ın 8:4 hesablı qələbəsi ilə başa çatıb.
Naxçıvan təmsilçisinin heyətində qolları Maneka, Xətai Bağırov və Ramiz Çovdarov dubl edib. Digər qolları isə Pereyra Qonçalves Dos Santos və İsa Atayev vurublar.
Bu qələbədən sonra xallarını 7-yə çatdıran "Araz Naxçıvan" qrupu ikinci pillədə başa vurub. Komandanın əsas mərhələyə vəsiqə qazanıb-qazanmaması digər oyunların nəticələrindən asılı olacaq. Qrupda ilk sıranı isə Finlandiyanın “Kampuksen Dinamo” klubu tutub.
------------------------------
Bu gün "Araz-Naxçıvan” komandası futzal üzrə UEFA Çempionlar Liqasının ilkin mərhələsində növbəti oyununu keçirəcək.
Sportnet.az-ın məlumatına görə, son ölkə çempionu Latviyanın "Raba" kollektivi ilə üz-üzə gələcək.
Matç Bakı vaxtı ilə saat 20:00-da start götürəcək.
Joze Alesionun baş məşqçi olduğu komanda ilk görüşdə Cəbəllütariqin "Europa" klubunu 9:2 hesabı ilə üstələyib, ikinci qarşılaşmada isə Finlandiya “Kampuksen Dinamo”su ilə heç-heçə edib - 4:4. "Araz-Naxçıvan” hazırda 4 xalla qrupda 1-2-ci yerləri bölüşdürür.
Çempionlar Liqası
F qrupu, III tur
20:00. "Araz-Naxçıvan" - "Raba" (Latviya) - 8:4
Qollar: Maneka, 00"24"; 32"20". Pereyra Qonçalves Dos Santos, 18"16". Xətai Bağırov, 22"30"; 32"40" İsa Atayev, 23"33". Ramiz Çovdarov, 26"00" (penalti); 29"37" - Aleksandrs Kulesovs, 11"29". Marks Boq
Qırmızı vərəqə: Sabara, 25"59" ("Raba"), İsa Atayev, Xətai Bağırov, 39"36" ("Araz Naxçıvan")
Qeyd edək ki, ilkin mərhələnin oyunlarına 8 ölkə ev sahibliyi edir. Avqustun 20-dən 25-dək keçiriləcək matçlar Almaniya, İsveçrə, Şimali Makedoniya, Yunanıstan, Estoniya, Latviya, Albaniya və Monteneqroda təşkil edilir. Reqlamentə uyğun olaraq, 9 komanda - 8 qrup qalibi və ikinci pillədə yer alan iştirakçılardan ən yaxşı göstəriciyə malik bir klub əsas mərhələyə vəsiqə qazanacaq.
