Argentina İsveçrəni son dəqiqə qolu ilə çökdürdü - YENİLƏNİB

Bu gün DÇ-2014-də 7-ci 1/4 finalçı müəyyənləşəcək. Sportnet.az-ın məlumatına görə, 1/8 finalda F qrupunun qalibi Argentina və E qrupunun 2-cisi İsveçrə yığmaları üz -üzə gələcəklər.

Qrup mərhələsində mütləq nəticə göstərən Argentina hələ ki, gözlənilən oyunu göstərmir. Yalnız Lionel Messinin fərdi ustalığı sayəsində cənubi amerikalılar qrupdan rahat çıxa bilib. Ancaq bu cür "dişsiz” futbolla medallara iddia etmək olmaz.

İsveçrə isə Fransadan aldığı "tərs sillə”yə baxmayaraq (2:5), özündə güc tapıb qrupdan çıxmağı bacardı. Ancaq 1/4 finala yüksəlmək üçün Ekvador və Hondurasla göstərilən oyun çətin ki, kifayət edə.

Bütün hallarda bu oyunda tərəflərdən hansınınsa asan qələbə əldə edəcəyi inandırıcı görünmür.

Baş hakim: Yunas Eriksson (İsveç)

San-Paulu şəhəri. "Arena Korintians” stadionu.

Matçöncəsi maraqlı məqamlar

- Argentina və İsveçrə 7-ci dəfə qarşılaşacaq. Argentina bu oyunların heç birində məğlub olmayıb.

- İki komanda sonuncu dəfə DÇ-1966-da qarşılaşıb. Argentina həmin oyunda 2:1 hesabı ilə qalib gəlib.

- Argentina son 2 DÇ-də 1/8 finalda qalib gəlib. (1998-2006-2010)

- Argentina mundiallarda Avropa komandalarına qarşı son 10 matçda cəmi 3 qələbə qazanıb.

- İsveçrə daha əvvəl iki dəfə (1994, 2006) 1/8 final mərhələsini keçə bilib

Start heyətlər

Argentina: 1. Serxio Romero, 2. Ezekel Qaray (sarı vərəqə-120+3), 4. Pablo Zabaleta, 5. Fernando Qago (6. Bilya-106), 7. Anhel Di Mariya (sarı vərəqə-120), 9. Qonsalo İquayn, 10. Lionel Messi, 14. Xavyer Maskerano, 16. Markos Roho (23. Basanto-105+2, sarı vərəqə-90), 17. Federiko Fernandez, 11. Ezekel Lavezzi (18. Palasio-74)

İsveçrə: 1. Dieqo Benaqlio, 2. Stefan Lixtşteyner, 8. Gökhan İnler, 21. Yozep Drmiç (9. Seferoviç-82), 10. Qranit Xaka (16. Jelson Frnandeş-66 (sarı vərəqə-73), sarı vərəqə-36), 11. Valon Behrami, 13. Rikardo Rodriqes, 18. Admir Mehmedi (15. Cemaili-113), 20. Djuru, 23. Xerdan Şaqiri, 22. Fabian Şaar.

Matç başlayır.
5-ci dəq. Oyun sakit tempdə başlayıb. Kəsərli hücum quran yoxdur.
8-ci dəq. Mehmedinin qapı önünə ötürməsi müdafiədən dönür.
9-cu dəq. Gökhan İnlerin zərbəsi qapının üstündən keçir.
15-ci dəq. Top uğrunda mərkəzdə qarşılıqlı mübarizə gedir.
20-ci dəq. Messi sağ cinahdan iki futbolçunu geridə qoysa da, Rodriqes onu yıxır və hücum dayanır.
24-cü dəq. İquaynın baş zərbəsi dəqiq alınmır.
27-ci dəq. Lixtenşteyner sağ cinahdan qapı önünə ötürülən topu əlverişli vəziyyətdə qapıdan keçirə bilmir. Ardınca Xakanın zərbəsi Romeroda qalır.
32-ci dəq. Di Mariya cərimə meydançasının içində zərbə endirə bilmir.
36-cı dəq. İsveçrədə Qranit Xaka sarı vərəqə alır.
39-cu dəq. Qapıçı ilə üz-üzə qalan Drmiç real qol şansını boşa verir.
41-ci dəq. Messinin ötürməsi, Di Mariyanın zərbəsi çox zəif alınır.
43-cü dəq. İsveçrənin qapısı önündə qarışıqlıq. Messinin zərbəsi müdafiədən qayıdır. Argentinalı futbolçuların əllə oyun etirazları var.
45+1-ci dəq. İlk hissə qolsuz bitir.
Fasilə

Birinci hissənin statistikası

60%  Topa nəzarət        40%

1        Küncdən zərbə       4

0       Of-sayd                     0

7    Qayda pozuntusu      13

0        Sarı vərəqə              1 

0        Qırmızı vərəqə         0

47-ci dəq. Lavezzinin ötürməsindən sonra İquayn fərqlənə bilərdi, son anda Djuru araya girir.
50-ci dəq. Şaqirinin sağ cinahdan ötürdüyü topdan sonra Romero topu əindən buraxır, qapıçı çətinliklə səhvini düzəldir.
54-cü dəq. Rodriqez sol cinahdan sərt zərbəsi dəqiq alınmır.
59-cu dəq. Roho yaxın məsafədən zərbə endirir, son anda Benaqlio topu çıxarır.
62-ci dəq. Rohonun ötürməsi İquaynın baş zərbəsi çox təhlükəli alınsa da, Benaqlio yaxşı oynayır.
66-cı dəq. Jelson Frnandeş Xakanı əvəz edir.
67-ci dəq. Argentina təzyiqi artırır. Messinin zərbəsində azacıq dəqiqlik çatışmır.
73-cü dəq. İsveçrədə Fernandeş sarı vərəqə alır.
74-cü dəq. Lavezzi Rodriqo Palasio ilə əvəz olunur. 
78-ci dəq. Messi cərimə meydançasından çox sərt vurur. Benaqlio bu epizodda da inamlı oynayır.
82-ci dəq. İsveçrədə Drmiçi Haris Seferoviç əvəz edir.
86-cı dəq. Messi və Behrami arasında gərginlik yaşanır.
90-cı dəq. Roho sarı vərəqə alır.
90+3-cü dəq. Matçda əsas heç-heçə vaxt bitir. Əlavə vaxt oynanılacaq.

İlk əlavə hissə başlayır.
93-cü dəq. Qarayın baş zərbəsini Benaqlio dəf edir.
96-cı dəq. Bu dəfə də Palasionun zərbəsini Benaqlio zərərsizləşdirir.
102-ci dəq. Oyunda tepm çox düşüb.
105-ci dəq. Top uğrunda mərkəzdə mübarizə gedir, ciddi qol epizodu yoxdur.
105+2-ci dəq. Argentinada Rohonu Joze Maria Basanta əvəz edir.
105+3-cü dəq. İlk əlavə hissə bitir.

İkinci əlavə hissə başlayır.
106-cı dəq. Argentinada Qaqonu Lukas Bilya əvəz edir.
109-cu dəq. Di Mariyanın möhtəşəm zərbəsini Benaliyo eyni möhtəşəmliklə çıxarır.
113-cü dəq. İsveçrədə Blerim Cemaili Mehmedini əvəz edir.
117-ci dəq. İki komanda da risk almadan oyanyır.
118-ci dəq. QOOOOOOL! Messinin reydi, Lixtşteynerin səhvi və Di Mariyanın qolu. Budur, Argentina istədiyini əldə etdi.
120-ci dəq. Di Mariya sarı vərəqə alır.
120+1-ci dəq. Cemaili tarix yaza bilərdi, futbolçunun baş zərbəsi dirəkdən dönür.
120+3-cü dəq. Benaliyo qapısında deyil. Di Mariya topu mərkəzdən vurur, dəqiqlik yoxdur.
120+3-cü dəq. Qaray sarı vərəqə alır.
120+4-cü dəq. Matç bitir. Argentina 1/4 finaldadır.

Matçın statistikası

62%  Topa nəzarət        38%

13     Küncdən zərbə      5

0       Of-sayd                    1

19    Qayda pozuntusu   28

3       Sarı vərəqə              2

0        Qırmızı vərəqə         0