"İnter"in Avropa Liqasının II mərhələsindəki rəqibi İsveç "Elfsborq"unun yarımmüdafiəçisi Adam Lundkvist klub saytına müsahibə verib. Sportnet.az həmin müsahibəni təqdim edir.
- Avropa Liqasının II təsnifat mərhələsi haqda nə düşünürsünüz?
- Bu, komanda üçün yaxşıdır. Hədəfimiz Avropa Liqasında bacardığımız qədər irəliyə getməkdir.
- "Elfsborq"la bağlı Avropaliqa xatirələriniz hansılardır?
- "Valensiya", "Latsio"ya qarşı oynamışam. Ötən il də "Seltik"ə qarşı heyətdə yer almışdım. Həmçinin Avroliqanın qrup mərhələsində bir oyun oynamışam. Avropa Liqasının klub, idman və maliyyə cəhətdən nə qədər önəmli olduğunu başa düşürəm.
- Hazırkı çempionat üçün komandada nələr danışılır?
- Komandada əhval-ruhiyyə yüksəkdir. Son mövsümdə hədəfimiz Avropa Liqasına getmək idi. Tək şansımız İsveç Kubokunu qazanmaq idi və bunu bacardıq. Heyətlə bağlı heç bir problemimiz yoxdur və biz Avropada təcrübəmizin olduğunu göstərməyə çalışacağıq.
- Avropada özününzün dəyərli bir təcrübəniz var?
- Bəli, mənim Avroliqadakı ilk oyunum "Esberq"ə qarşı oldu. Bugünkü qarşılaşma "Elfsborq" forması ilə çıxacağım ən böyük oyunlardan biridir. Belçikanın "Standart" klubunun heyətində də Avroliqada oynayıb, qələbə qazanmışam. İstəyirəm ki, bu hal yenidən təkrarlansın.
- Mövsümü necə dəyərləndirərdiniz?
- Xoşbəxtəm, ona görə ki, oyunlarda yaxşı çıxış etmişəm. Düşünürəm ki, yaxşı futbol oynadıq və nəticə də göz qabağındadır. Ötən mövsümün sonlarında yaxşı futbol sərgilədim və istəyirəm ki, həmin oyunu burada da davam etdirim.
- Bir müddət xaricdə oynamısınız. Qayıtdıqdan sonra İsveç futbolu necə görünür?
- Bunu bir çağırış kimi qəbul edirəm. İndiyədək cəmi 2 oyunda forma geyinmişəm. Hesab edirəm ki, pis təsir bağışlamamışam. Komandamızın cinah hücumlarına meyl etməsi mənim oyun üslubuma uyğun gəlir.
