Türkiyənin Antalya bölgəsində qadın voleybolçular arasında keçirilən beynəlxalq "Gloria Cup" turnirinə yekun vurulub. Sportnet.az-ın məlumatına görə, yarışda iştirak edən "Azəryol" komandası 3-cü yeri tutub.
Azərbaycan təmsilçisi Türkiyənin "Vakıfbank" və İsveçrənin "Volero" klublarına 1:3 hesablı məğlubiyyətin ardından Sloveniya "Branik"ini asanlıqla yenib - 3:0. Cəmi 80 dəqiqə sürən görüşün ilk setində "Azəryol" 25:16, ikinci setdə 25:18, üçüncüsündə isə 29:27 hesablı üstünlük əldə edib.
Qeyd edək ki, qalib adını finalda "Volero"nu 3:0 (25:22, 25:21, 25:18) hesabı ilə yenən "Vakıfbank" qazanıb.
