"Kriştianu Ronaldu dünyanın ən yaxşı futbolçusu adına layiq idi". Sportnet.az-ın məlumatına görə, bunu "Qızıl top"a digər namizəd Lionel Messi deyib.
Argentinalı hücumçu ötən il özü üçün ən vacib olay qismində dünya çempionatının finalına vəsiqəni vurğulayıb: "Bu il həm özüm, həm də komandam üçün çətin keçdi. Fikrimcə, ən yaddaqalanı DÇ-2014-ün finalı oldu. Təəssüf ki, qalib ola bilmədik. 2014-cü il geridə qaldı. Bu ili düşünməliyik. Ümidvaram ki, mükafat uğrunda mübarizə apara biləcəyik. Ronaldunun mükafatı layiqlidir. O, əla il keçirdi".
