"Bu, "Neftçi"də ilk oyunum idi. Bir həftədir hazırlığa başlasaq da, oyun göstərə və qalib gələ bildik". Sportnet.az-ın məlumatına görə, bu sözləri "Neftçi"nin yeni transferi Rauf Əliyev Səudiyyə Ərəbistanının "Hajer" klubu ilə yoxlama oyunundan sonra deyib.
O bildirib ki, komandasının 3:1 hesabı ilə qalib gəldiyi matçda 2 qol vurmasını sevindiricidir. Bununla yanaşı, Əliyev hələ çatışmazlıqların da olduğunu vurğulayıb: "Fiziki cəhətdən problemlərimiz var. Bunun üzərində işləməliyik. Həm də futbolçuların bir-birinə uyğunlaşması üçün istər-istəməz hələ tezdir və zamana ehtiyacımız var. İnanıram ki, komandamız gələn oyunlarda və çempionatadək daha yaxşı formada olacaq".
