"Neftçi” klubu daha bir futbolçu transferini həyata keçirib. Sportnet.az-ın məlumatına görə, sol cinah müdafiəçisi Əziz Quliyevlə ilyarım müddətinə müqavilə bağlanıb.
Azərbaycan milli komandasının da şərəfini qorumuş 28 yaşlı oyunçu klubun rəsmi saytına açıqlamasında ona "Neftçi” kimi iddialı klubda çıxış şansı verilməsindən şad olduğunu bildirib: "Çalışacağam ki, oyunumla həm kluba faydalı olum, həm də yenidən milli komandaya dəvət alım”.
Qeyd edək ki, Əziz Quliyevin son klubu "Bakı" olub. O, "Neftçi"yə sol cinahındakı boşluğu doldurmaq üçün transfer edilib. Quliyev bu yaxınlarda komandadan qovulan Elnur Allahverdiyevi əvəzləyəcək.
