Belçikada keçirilmiş yarışda Bakı 2015-də yarışacaq bir çox idmançı da iştirak edib. Sportnet.az-ın məlumatına görə, belçikalı Liza Verşuren yarışı 7-ci yerdə, hollandiyalı Lik Vever isə alman Sofi Şeder və ispan Ana Perezi qabaqlayaraq 8-ci yerdə bitirib.
Hollandiyalı gimnast Liza Top və fransalı Valentin Pikul yarışı 11-ci, almaniyalı Elizabet Zayt isə 13-cü yerdə tamamlayıb. İspaniyalı Klaudi Kolom 22-ci, belçikalı Kindi Vandenhol və Qael Miz 23, 25-ci yerlərdə, avstriyalı idmançı Casmin Mader isə 29-cu yerdə qərarlaşıb.
İki yeniyetmə və iki təcrübəli idmançı ilə yarışa qatılan Braziliya, komandalararası Çellenc yarışında 221.350 xal qazanaraq qalib olub.
Almaniyalı gimnastlar Şeder və Zayt fransalı idmançılar Brevet, Pikul və Ana Kum, belçikalı Miz , Vanderhol və Verşureni qabaqlayaraq yarışı 216.500 xalla ikinci yerdə başa vurublar.
