Türkiyənin Antalya bölgəsində təlim-məşq toplantısında olan "Qəbələ" bu gün ilk yoxlama matçına çıxıb. Sportnet.az-ın məlumatına görə, rəqib Hollandiyanın PSV klubunun ikinci komandası olub.
Bu görüş baş məşqçi Roman Qriqorçukun rəhbərliyi altında birinci qarşılaşma olub. Qarşılıqlı hücumlar şəraitində davam edən matçda qapılara qol vurulmayıb – 0:0. Oyunun gedişində hər iki komandanın baş məşqçisi heyətdə bir sıra dəyişikliklərə əl atıb. Lakin həm oyunçu əvəz etmələri, həm də taktiki dəyişikliklər hesabda öz əksini tapmayıb.
Beləliklə, 2015-ci ildə ilk sınağına çıxan "Qəbələ” PSV-nin ikinci komandası ilə heç-heçə edib. Komandamız növbəti oyununu yanvarın 14-də Türkiyənin Superliqa təmsilçisi "Eskişehirspor”a qarşı keçirəcək.
17:30. "Qəbələ" (AZƏRBAYCAN) - PSV (Hollandiya) - 0:0
"Qəbələ": Anar Nəzirov, Ürfan Abbasov, Aleksandru Benqa, Ruslan Abışov, Ruslan Tağızadə, Elvin Camalov, Aleksey Qay, Dodo, Cavid Hüseynov, Bəxtiyar Soltanov, Ulisse Diallo.
PSV: Jesse Bertrams, Augustine Loof, Hjörtur Hermannsson, Jordy de Wijs, Suently Alberto, Clint Leemans, Moussa Sanoh, Farshad Noor, Boris Cmiljanic, Andrija Lukovic, Andjelo Budovic.
