Kriştianu Ronaldonun Portuqaliya yığmasının DÇ-2014-də son matçından sonra qeyri-adi görüşü baş tutub. Sportnet.az-ın "purelyfootball"a istinadən məlumatına görə, Portuqaliya yığmasının son oyunundan sonra otelə qayıdan futbolçu yatağında 15 yaşlı fanata rast gəlib.
Çoxsaylı mühafizə əməkdaşlarının arasından sıyrılan Yaqo Leal ulduz futbolçunun otağına eyvandan daxil olub.
Hadisə ilə bağlı Ronaldo polisə müraciət etməyib. Fanatına avtoqraf verən hücumçu, onunla şəkil çəkdirməyə də razı olub. Bundan sonra azyaşlı azarkeş gəldiyi yolla da oteli tərk edib.
Leal "qəhrəmanlığı"nı sübut etmək üçün, eyvandan çıxarkən, "Real Madrid"in futbolçusunun şəklini telefonuna çəkməyə də macal tapıb.
