DÇ-2014-də Argentina və Almaniya yığmaları arasında keçiriləcək final matçını ən azı 74300 tamaşaçı izləyəcək. Sportnet.az-ın məlumatına görə, maksimum tamaşaçı sayının 74738 nəfər olacağı gözlənilir.
Biletlərdən 4066-nı Almaniya, 4461-ni Argentina yığmasının azarkeşləri alıb, 12984-nə braziliyalılar yiyələnib. Oyuna 2500 KİV əməkdaşı akreditə olunub. VİP kateqoriyasındakı tamaşaçılara 1582 yer ayrılıb.
Qeyd edək ki, iyulun 13-də Rio-de-Janeyrodakı "Marakana" stadionunda keçiriləcək final matçı saat 24:00-da başlanacaq.
