ABŞ-ın Çikaqo şəhərində keçirilən UFC turnirinin əsas döyüşündə məğlubedilməz rusiyalı Hamzat Çimayev və orta çəkidə CAR-dan olan çempion Drikus Dü Plessi üz-üzə gəlib.
Sportnet.az xəbər verir ki, beş raundluq qarşılaşma Çimayevin qələbəsi ilə yekunlaşıb. Hakimlərin yekdil qərarı ilə o, qalib elan olunub - 50:44, 50:44, 50:44.
Bu, Çimayevin MMA-da 15-ci qələbəsi, Dü Plessinin isə 26-cı döyüşündə 3-cü məğlubiyyəti olub.
Qeyd edək ki, Hamzat Çimayev qələbə qarşılığında mükafatdan əlavə, "Gecənin ən yaxşı çıxışı"na görə 50 min dollar bonis da qazanıb.
