Qroznıda Çeçenistan prezidenti Ramzan Kadırovun Kuboku və əməkdar idman ustası Adlan Varayevin mükafatı uğrunda sərbəst güləş üzrə 7-ci beynəlxalq turnir keçirilib. Azərbaycan Güləş Federasiyasının mətbuat xidmətindən Sportnet.az-a verilən məlumata görə, yarışa məşqçilər Arif Abdullayev və Siracuddin Eldarovun rəhbərliyi altında qatılıan komandamız 2 gümüş medal qazanıb.
61 kq çəkidə mübarizə aparan Əhmədnəbi Qvarzatilov və 65 kq çəkidə təmsilçimiz Məhəmməd Müslümov güləşçimiz finalda müvafiq olaraq Rusiya və Polşa təmsilçilərinə uduzublar. Qvarzatilov Əhməd Çakayevə, Müslümov isə Məhəmmədmurad Hacıyevə məğlub olub.
Görüşlərin idarə edilməsində ölkəmizi beynəlxalq dərəcəli hakim Elgün Məmmədov təmsil edib.
