Dağıstanın Xasavyurt şəhərində keçirilən sərbəst güləş üzrə sayca 7-ci "Qitələrarası Kubok” turnirində Azərbaycan yığması ilk yarış gününü 2 medalla başa vurub. Sportnet.az-ın məlumatına görə, 97 kq çəki dərəcəsindəki güləşçimiz Roman Bekirov finala qədər inamla irəliləyib.
O, həlledici görüşdə məğlub olaraq gümüş medal qazanıb. Eyni çəkidə mübarizə aparan Aslanbek Alborov isə bürünc medala sahib olub.
Qeyd edək ki, Qitələrarası Kuboka bu gün yekun vurulacaq.
