Türkiyənin İstanbul şəhərində keçirilən Yaşar Doğunun xatirəsinə təşkil olunmuş 44-cü beynəlxalq turnirdə fəxri qonaq qismində iştirak edən Azərbaycan Güləş Federasiyasının I vitse-prezidenti, Dünya Güləş Birliyi İcraiyyə Komitəsinin üzvü Namiq Əliyev Türkiyə Güləş Federasiyasının prezidenti Musa Aydın və İstanbulda səfərdə olan Dünya Güləş Birliyinin (DGB) prezidenti Nenad Laloviçlə görüşüb. Sportnet.az-ın məlumatına görə, görüşdə və DGB İcraiyyə Komitəsinin digər üzvləri də iştirak edib.
Görüz zamanı dünyada güləşin bugünkü vəziyyəti və gələcək inkişafı barədə fikir mübadiləsi aparılıb, ikitərəfli əməkdaşlıqlar, eləcə də AGF və DGB arasında əməkdaşlığın perspektivlərini müzakirə edilib.
Səfər çərçivəsində AGF-nin I vitse-prezidenti, DGB İcraiyyə Komitəsinin üzvü Namiq Əliyevi Federasiyanın sərbəst güləş üzrə vitse-prezidenti Maqomed Aliomarov və Baş katib Rəşad Əli-Zadə müşaiyət edib.
