Dünya Güləş Birliyi (DGB) yeniyetmələrin qitə çempionatlarında iştirak edəcək güləşçilərin sayının artırılması barədə qərar qəbul edib. Sportnet.az-ın məlumatına görə, bu ildən yeniyetmə güləşçilərin qitə çempionatlarında bir ölkə hər çəki dərəcəsində 2 idmançı ilə təmsil oluna biləcək.
Bu qərar ötən ilin dekabrında Dünya Güləş Birliyi İcraiyyə Komitəsinin Soçidə keçirilən toplantısında qəbul edilib.
Qeyd edək ki, bu il yeniyetmələrin Avropa çempionatı 19-24 iyul tarixlərində İsveçin paytaxtı Stokholm şəhərində keçiriləcək.
