Bu gün sərbəst güləş üzrə Azərbaycan milli komandası Dağıstanın paytaxtı Mahaçqalada növbəti təlim-məşq toplanışına başlayıb.
Federasiyanın mətbuat xidmətindən Sportnet.az-a verilən məlumata görə, noyabrın 23-dək davam edəcək hazırlıq prosesində komanda baş məşqçi əvəzi Zəlimxan Hüseynov və məşqçi Arif Abdullayevin rəhbərliyi altında yerli güləşçilərlə birgə məşq edəcək. Toplanışda həm fiziki, həm də taktiki-texniki çalışmalara diqqət yetiriləcək.
Qeyd edək ki, yunan-Roma güləşi üzrə yığma təlim-məşq toplanışını Bakıda davam etdirir. Baş məşqçi Aleksandr Tarakanov, böyük məşqçi Rövşən Bayramov və məşqçi Akif Əliyevin rəhbərlik etdiyi kollektivin Olimpiya Güləş Mərkəzindəki hazırlıq prosesi noyabrın 16-dək davam edəcək.
