Daha yaxşı olardı ki, "Turan Tovuz"un cəzalanacağını daha əvvəldən bilək.
Sportnet.az xəbər verir ki, bu sözləri "Zirə"nin baş məşqçisi Rəşad Sadıqov jurnalistlərə açıqlamasında deyib.
"Bu gün "Sumqayıt" və "Araz-Naxçıvan" komandalarının da etiraz etməyə haqqı var. Çünki onlar bunu bilsəydilər, avrokubok yarışından erkən qopmazdılar. Tovuz təmsilçisinin cəza almasını çox məyus olduq. Sevinirdik ki, onlar uzun illər sonra Avropada çıxış edəcəklər. Nə qədər etirazlar olsa da, UEFA-nın qərarı dəyişmədi. Hətta rəhbərliklə söhbətimizdə Konfrans Liqasından imtina etməyi danışdıq. Lakin bu halda "Zirə" də cəza ala bilərdi. Başqa komandaları günahkar hesab etmək düzgün olmaz" - deyə mütəxəssis qeyd edib.
