Azərbaycanın yunan-Roma güləşçisi Beka Kandelaki Bakıda keçirilən Avropa Olimpiya Təsnifat turnirində növbəti görüşünə çıxıb.
Sportnet.az xəbər verir ki, 130 kq çəki dərəcəsində yer alan idmançı yarımfinal mərhələsində Sergey Semyonovla (AİN) üz-üzə gəlib.
Kandelaki rəqibinə 9:0 hesabı ilə uduzub və Semyonovla Paris-2024 Yay Olimpiya Oyunlarına lisenziya qazanıb.
---------------------------------
Bakıda keçirilən Avropa Olimpiya Təsnifat Turnirinə start verilib.
Sportnet.az xəbər verir ki, yarışın ilk günündə yunan-Roma güləşçiləri mübarizəyə başlayıblar.
Azərbaycan millisinin 4 “klassik”i xalça üzərinə çıxıb. Onlardan yalnız biri - Beka Kandelaki (130 kq) iki qələbə ilə yarımfinala yüksəlib. O, Paris-2024 Yay Olimpiya Oyunlarına vəsiqə verən finala yüksəlmək üçün həlledici qarşılaşmaya çıxacaq. Digər güləşçilərimizdən İslam Abbasov (87 kq) 1/8, Nihat Məmmədli (60 kq) və Murad Əhmədiyev (97 kq) 1/4 finalda mübarizəni dayandırıb.
----------------------------------
Azərbaycanın yunan-Roma güləşçisi Beka Kandelaki Bakıda keçirilən Avropa Olimpiya Təsnifat turnirində mübarizəyə başlayıb.
Sportnet.az xəbər verir ki, 130 kq çəki dərəcəsində yer alan idmançı təsnifat mərhələsində norveçli Avropa və dünya üçüncüsü Oskar Marviklə (130 kq) üz-üzə gəlib.
Rəqibinə 9:1 hesabı ilə qalib gələn Kandelaki 1/8 finala yüksəlib.
87 kq çəki dərəcəsində çıxış edən İslam Abbasov isə Danimarkadan olan Turpal Bisultanova uduzaraq, mübarizəni dayandırıb.
------------------------------------
Bu gün Bakıda güləş üzrə Avropa Olimpiya Təsnifat turnirinə start veriləcək.
Sportnet.az xəbər verir ki, ilk gündə yunan-Roma güləşçiləri mübarizəyə başlayacaqlar.
Turnirin birinci günündə Azərbaycanın 4 pəhləvanı qüvvəsini sınayacaq. Nihat Məmmədli (60 kq), İslam Abbasov (87 kq) və Murad Əhmədiyev (97 kq) 1/8 finaldan yarışa qoşulacaqlar.
Onlar müvafiq olaraq Aleksey Masik (Ukrayna), Turpal Bisultanov (Danimarka) və Aleksandar Styepanetiçlə (İsveç) üz-üz gələcəklər. Beka Kandelaki (130 kq) isə təsnifat mərhələsində Avropa və dünya üçüncüsü Oskar Marviklə (130 kq) güləşəcək.
Qeyd edək ki, hər çəkidə finala yüksələcək iki güləşçi Paris-2024 Yay Olimpiya Oyunlarına vəsiqə qazanacaq.
