Bu gün Tofiq Bəhramov adına Respublika Stadionunda atletika üzrə yeniyetmələr arasında Avropa təsnifat turniri başlayıb. Sportnet.az-ın məlumatına görə, atletikanın 18 növü üzrə keçirilən turnir Çinin Nanjinq şəhərində təşkil olunacaq yeniyetmələrin II Olimpiya Oyunlarına lisenziya xarakteri daşıyır.
Avropa təsnifat turnirdə 38 ölkədən 690 atlet mübarizə aparır. Bunlardan 333-ü qız, 357-si isə oğlandır. Lisenziyaların sayı oğlanlar üçün 82, qızlar üçün 108 olacaq. Yarışda ölkəmizi 16 atlet – 9 oğlan, 7 qız idmançı təmsil edir.
Qeyd edək ki, turnirin təntənəli açılış mərasimi saat 17:00-da olacaq.
