Bu gün Azərbaycan Premyer Liqasında XXVII turun daha iki oyunu keçiriləcək.
Sportnet.az xəbər verir ki, günün ilk matçında “Kəpəz” “Qarabağ”ı qəbul edəcək. Tovuz şəhər stadionunda baş tutacaq görüş saat 17:00-da start götürəcək. Oyunda ədaləti baş hakim Fərid Hacıyev qoruyacaq.
“Qarabağ” Gəncə təmsilçisinə 34 oyundur uduzmur. Son 5 matçda “köhlən atlar” qalib gəlib ki, bunlardan üçündə böyükhesablı nəticə qeydə alınıb.
Günün digər qarşılaşmasında “Sabah" "Zirə"ni qonaq edəcək.
Saat 19:30-da başlayacaq qarşılaşmanın baş hakimi Rəşad Əhmədov olacaq.
“Qartallar” “Sabah”la son 3 görüşdə qol vurub. Masazır təmsilçisi son 3 ev matçında quru hesabla uduzub.
Tura sabah keçiriləcək “Səbail” - “Neftçi” və “Turan Tovuz” - “Sumqayıt” oyunları ilə yekun vurulacaq.
Qeyd edək ki, ötən gün “Araz-Naxçıvan” evdə “Şamaxı” ilə heç-heçə edib - 1:1.
Azərbaycan Premyer Liqası
XXVII tur
15 mart
17:00. "Kəpəz" – "Qarabağ"
Hakimlər: Fərid Hacıyev, Vüsal Məmmədov, Rəhman İmami, Rəvan Həmzəzadə.
VAR: Cavid Cəlilov.
AVAR: Akif Əmirəli.
Hakim-inspektor: Əmrah İbrahimov.
AFFA nümayəndəsi: İlham Əliyev.
Tovuz şəhər stadionu
19:30. "Sabah" – "Zirə"
Hakimlər: Rəşad Əhmədov, Rahil Ramazanov, Teymur Teymurov, Əli Əliyev.
VAR: Nicat İsmayılov.
AVAR: Cəmil Quliyev.
Hakim-inspektor: Ömər Paşayev.
AFFA nümayəndəsi: Erkin Hüseynov.
“Bank Respublika Arena”
