"Neftçi"nin futbolçusu Emin Mahmudov Azərbaycan milli komandasında yeni rekorda imza atıb.
Sportnet.az-ın məlumatına görə, Mahmudov millidə 15-ci qolu vuraraq, yığmanın ən məhsuldar oyunçusuna çevrilib.
Bu, Ukrayna ilə 2026-cı il dünya çempionatının seçmə qrup matçında təsadüf edib. 72-ci dəqiqədə təyin olunmuş penaltini 33 yaşlı yarımmüdafiəçi dəqiq yerinə yetirib.
Beləliklə, millinin kapitanı hazırda "Qarabağ"ın baş məşqçisi olan Qurban Qurbanovla indiyədək şərikli bölüşdüyü qol rekordunu yeniləyərək, bu göstəricidə vahid liderə çevrilib.
Sabiq hücumçu Qurban Qurbanova məxsus rekord 21 il qüvvədə qalıb. “Qarabağ”ın baş məşqçisi 1992 - 2005-ci illər ərzində millinin heyətində keçirdiyi 68 oyunda 14 dəfə fərqlənib.
Qurbanov sonuncu qolunu 2004-cü ildə Latviya ilə yoldaşlıq görüşündə (2:2) vurmuşdu. Emin Mahmudov isə 2016-cı ildən şərəfini qoruduğu Azərbaycan millisinin heyətində 56-cı matçında 15 qola çatıb.
Qeyd edək ki, hazırda hesab bərabərdir - 1:1.
