"Sabah"ın futbolçusu Coy-Lens Mikels "Karvan-Yevlax"la Azərbaycan Premyer Liqasının VII tur matçında ciddi zədə alıb.
Sportnet.az-ın məlumatına görə, uzatma dəqiqələrində yerli komandanın qapıçısı Kamran İbrahimov topu dəf etmək istədiyi vaxt almaniyalı hücumçunun belini zədələyib.
Nəticədə Mikelsin belində ağrılar başlayıb.
Meydana təcili tibbi yardım maşını çağırılıb. İlkin tibbi müayinə nəticədən sonra futbolçu maşına mindirilərək, xəstəxanaya aparılıb.
Qeyd edək ki, Coy-Lens Mikels "Sabah"ın 2:0 hesabı ilə qalib gəldiyi görüşün 31-ci dəqiqəsində hesabı açıb. Nəticədə o, qol sayını 4-ə çatdıraraq, vahid bombardirə çevrilib.
